Gwella eich Gwên

Beth ydym yn ei wneud...

What is a bridge?

Mae dwy fath o bont. I wneud pont arferol caiff y dannedd eu naddu fel coron, naill ochr i fwlch un neu ddwy uned. Yna gwneir prosthesis sefydlog 3-4 uned, a'i smentio ar y ddau dant y naill ochr a'r llall i fwlch. Mae hyn yn rhoi gwell edrychiad ac amddiffyniad i'r dannedd, ac wrth gwrs, yn llenwi'r bwlch. Mae gan bontydd rôl i'w chwarae o hyd mewn deintyddiaeth fodern yn achos y claf cywir.

Ail opsiwn yw pont wedi ei gludo â resin (resin retained bridge -RRB). Gellir defnyddio'r rhain ar gyfer bylchau dannedd blaen unigol syml, lle nad oes perygl o ddifrod drwy grensian y dannedd ac ati. Mae pont resin yn dibynnu ar gryfder y smentiau modern a ddefnyddir. Yn syml, darn o fetel tenau ydyw sy'n cael ei ludo y tu ôl i'r dannedd ar y naill ochr a'r llall i'r bwlch. Ni fydd y bont yn weladwy o'r blaen, ac mae'r dant newydd yn cael ei osod yn sownd yn y stribed metel i lenwi'r bwlch.

Beth ydym yn ei wneud...

Beth yw dannedd gosod arferol y gellir eu tynnu?

Gellir cael dannedd gosod yn lle eich holl ddannedd, neu gyfuniad ohonynt â dannedd a bylchau presennol.

Gellir gwneud dannedd gosod o acrylig (plastig) neu gyfuniad o fetel (crôm) a phlastig. Manteision crôm yw bod haenau tenau ohono’n gryf, ac mae modd ei wneud fel ei fod yn eistedd ar eich dannedd, gan roi profiad mwy naturiol wrth fwyta, gyda’r dannedd yn gallu gweithio fel rhai naturiol. Mae dannedd gosod plastig fel arfer yn eistedd ar y gymiau, ac yn symud wrth i chi fwyta a brathu arnynt. Mae hyn yn bendant yn wir gyda dannedd gosod llawn, lle mae angen cyfuniad o reolaeth dda o’r cyhyrau er mwyn i’r dannedd gosod aros yn eu lle.

Anfantais dannedd gosod crôm neu blastig arferol, yw bod yn rhaid gosod gwifrau bach o gwmpas y dannedd i atal y dannedd rhag syrthio allan. Gall y rhain fod yn hyll ac weithiau maen nhw i'w gweld wrth i’r claf wenu.

Beth yw dannedd gosod â chysylltion cywrain (precision attachments)?

Dannedd gosod â chysylltion cywrain yw dannedd sydd wedi’u cynllunio ar y cyd â dannedd penodol y gosodir coron arnynt yn eich ceg, fel eu bod yn gallu ffitio ar y dannedd, yn ogystal â chlicio’n sownd i ddarnau arbennig nad oes modd eu gweld.

Mantais y math diweddaraf yma o ddannedd gosod yw bod dannedd yn cael eu hamddiffyn, a does dim clasbiau / gwifrau metel gweladwy, a dydi’r dannedd gosod ddim yn symud. Mae dannedd gosod â chysylltion cywrain yn brosthesis sy’n edrych ac yn teimlo’n fwy naturiol.

Eisiau i’ch dannedd gosod deimlo’n solet a pheidio â symud o gwmpas?

Mae creu dannedd gosod da yn sgìl, yn fwy o gelfyddyd na gwyddoniaeth. Ond weithiau os yw’r dannedd wedi’u tynnu flynyddoedd ynghynt, mae anatomi ceg y claf yn golygu bod hyd yn oed dannedd gosod da yn gallu bod yn anodd eu rheoli ac yn sefydlog. Mae dannedd rhydd yn embaras os ydych yng nghwmni pobl/ ffrindiau/cydweithwyr, ac yn ei gwneud hi'n anodd bwyta'r pethau rydych chi'n hoff ohonynt, fel stêc flasus neu afal llawn sudd!

Gyda dannedd gosod wedi’u cynnal gyda mewnblaniadau, gallwch fwyta a siarad unwaith eto gyda mwy o hyder, gan wybod na fydd eich dannedd gosod yn symud.

Mae defnyddio mewnblaniadau i angori dannedd gosod (trosblatiau – overdenture) newydd weithiau yn well dewis na phont ên sefydlog. Mae’n golygu nad oes angen impio’r asgwrn, a bydd y dannedd gosod yn helpu i gynnal y gwefusau, a chyhyrau'r wyneb, gan wneud i chi edrych yn iau. Dim mwy o friwiau ceg gyda dannedd gosod rhydd a dim angen gliw dannedd cyn mynd allan i gymdeithasu. Gallwch deimlo’n hyderus fod gennych sylfaen fwy cadarn ar gyfer eich gwên newydd.

Gyda dannedd gosod wedi’u cynnal gyda mewnblaniadau, mae’n hawdd glanhau'r geg a'r dannedd gosod, a gellir angori'r dannedd gosod mewn gwahanol ffyrdd - bar yw’r safon aur a’r gorau.

Po fwyaf o fewnblaniadau rydych chi'n buddsoddi ynddynt, y mwyaf o gynhaliaeth fydd yna i’ch dannedd newydd, a gallwch fod yn fwy hyderus o ddydd i ddydd. Am ragor o wybodaeth, gweler ein hadran mewnblaniadau.